Till undermeny Karta Kontakt

Nacionalna manjine

Ki Švedska isimen pandž nacionalna manjine: o Jevrejia, o Roma, o Samer - kola tane hem jekh pranarod, o Švedska fincija hem o Tornedalija. Isimen hem pandž nacionalna manjinenge čhibja: jidiš, romani čhib, samisko, finsko hem meankeli.

Tu so hijan jekh kotor ki dijekh nacionalno manjina isitu pravo te ove informisimo ando teklje čačipa (prava), sa jekh koja andi nacionalna manjinengi čhib tu vačereja hem kaj ki Švedska živineja.

O zakon (2009:724) ando nacionalna manjine hem oljenge čhibja važini ki celo Švedska hem ače so odova zakon značini:

• e manjinengi čhib ka arakhipe hem ka bajraripe
• o nacionalne manjine ka oveljen šajipa te ičeren hem bajračeren piklji kultura
• o komune hem o okrugija (landsting) isiljen obaveza te den informacije ando manjinenge čačipa hem te inkludirinen ljen ko oljenge buča.
• o komune hem o okrugija (landsting) mora te ovelljen ciljija hem plani ki piklji političko buti ando nacionalna manjine (nevo kotar januar 2019. berš)
• ako ki komuna isi dijekh manuš kova čerela buti e phurencar a vačeri disavi andi manjinengi čhib, tegani i komuna valjani okolje phurese kova rodela pe manuše te obezbedini esavke manuše te akhari gajlja oljestar (nevo kotar januar 2019. berš). O manuša kola čerena buti ko esavke thana valjani te dikhen e phurengi potreba te ičeren piklji kultura.

I Länsstyrelsen ki Štokholm ki kupa e organizacija Sametinget tani odgovorno te organizujini hem te dikhel sar o komune ičerena i švedsko politika ando manjine. Pobuter informacije ando oljengi buti isi ko linkija ki desno rig.
  • Senast uppdaterad 6 mar 2019